नवलपुर १६ जेठ । नवलपुरको गैँडाकोटमा मोटरसाइकाल र बोलेरो एक आपसमा ठोक्किँएर दुर्घटना हुँदा दुई जना घाइते भएका छन् ।
घाइतेमध्ये एक जनाको अवस्था गम्भीर रहेको प्रहरीले जनाएको छ ।
गैँडाकोट नगरपालिका २ भृकुटीचोकस्थित पूर्व–पश्चिम राजमागमा कांग्रेस चोकबाट चितवन तर्फ जाँदै गरेको लु ३ च ८४७७ नम्बरको बोलेरोलाई सोही दिशातर्फ जाँदै गरेको ना ६३ प २२६१ नम्बरको मोटर साइकलले ओभरट्याक गर्ने क्रममा विपरित दिसामा गुडिरहेको ना १ ज ४३४२ नम्बरको म्याजिक भ्यानमा ठोक्किँएर दुर्घटना भएको प्रहरीको भनाइ छ ।दुर्घटनामा मोटर साइकल चालक पर्साको बहुदरमाई गाउँपालिका–८ का ३० वर्षीय उमाशंकरकुमार पण्डित र मोटर साइकलको पछाडि बसेका नवलपुर हुप्सीकोट गाउँ पालिका–३ का ३० वर्षीय सागर पाण्डे घाइते हुनुभएको छ ।
घाइते दुबैको नयाँ मेडिकल कलेज चितवनमा उपचार भइरहेको जिल्ला प्रहरी कार्यालयका सूचना अधिकारी, प्रहरी नायब उपरीक्षक मधु नेपालले जानकारी दिनुभयो । उहाँका अनुसार पाण्डेको अवस्था गम्भीर रहेको छ ।
